Ijara haqini vaqtida to‘laysiz, uyga zarar yetkazmaysiz, lekin bir kuni uy egasi kelib «Uy meniki, xohlasam chiqaraman» deydi.
Tanishmi? 👀
⚖️ Qonun nima deydi?
Fuqarolik kodeksining 615-moddasiga ko‘ra, uy-joy ijarasi shartnomasi:
✅ taraflarning kelishuvi bilan bekor qilinadi;
✅ uy egasining talabi bilan esa — faqat sud orqali va faqat qonunda ko‘rsatilgan hollarda.
❗ Masalan, qachon?
• ijara haqi uzoq muddat (6 oy) to‘lanmasa;
• uy-joy vayron qilinsa yoki unga jiddiy zarar yetkazilsa.
Demak, «bugun kechgacha chiqib ket» degan og‘zaki talab qonuniy asos emas.
📁 Nimani saqlash kerak?
Ijara shartnomasi, to‘lov cheklari va uy egasi bilan yozishmalar — bular sizning himoyangiz.
Shunga o‘xshash vaziyatga tushdingizmi? «Adolat Ko‘prigi» orqali bepul yuridik yordam oling. Murojaatingizni hamkor yurist yoki yuridik klinika ko‘rib chiqadi.
